• मार्टिन निइम्युलर

जब नाजिहरू कम्युनिष्ट सामु आए
मैले मौनता रोजेँ
म कुनै कम्युनिष्ट थिइनँ

जब तिनीहरूले
बन्दी बनाए, सोसल-डेमोक्रेट्स्-लाई
मैले मौनता रोजेँ
म कुनै सोसल-डेमोक्रेट्स् थिइनँ

जब तिनीहरू ट्रेड-युनियन समर्थक सामु आए
मैले ओठ खोल्दै खोलिन
म कुनै ट्रेड-युनियन समर्थक थिइनँ

जब तिनीहरू यहूदी सामु आए
मैले मौनता नै रोजेँ
म कुनै यहूदी थिइनँ

जब तिनीहरू मेरै सामु आए
बचाउने कोही पनि बाँकी थिएन ।
अनुवाद: आभास

पाब्लो नेरुदा

स्त्री देह, श्वेत पर्वत, सुकिला जाँघ
तिमी दुरुस्त भूगोल जस्ती, समर्पणमा लम्पसार
मेरो रुखो किसान देह घुस्रन्छ तिमीमा
र धरतीको गहिराईबाटै मार्छ एक वंशवृक्षी छलाङ्

एक्लो थिएँ म एउटा सुरुङ झैँ, चराहरू उड्थे मभित्र
र रात डुबाउथ्यो मलाई उसको विजयोन्मुख आक्रमणले
आफूलाई जोगाउन मैले, तिमीलाई अर्जापेँ हतियार झैँ
मानौं तीर मेरो धनुषको, मट्याङ्ग्रो मेरो गुलेलीको

तर प्रतिशोधको समय स्खलित हुन्छ जब, म तिमीलाई प्रेम गर्छु
लेउयुक्त चिप्लो हरियो छालाको, खँदिलो बेचैन अंग दुहुन्छु म
अहो ! ती गोलाकार बक्ष, अहो ! ती टोलायमान नयन
अहो ! ती यौवनका गुलाब, अहो ! सुस्त र उदास आवाज

देह ! मेरी प्रिया ! म तिम्रो सुन्दरतामा हुनेछु निरन्तर उपस्थित
मेरो तिर्खा, मेरो अनन्त इच्छा, मेरो क्रमभंग राजमार्ग
अँध्यारो नदी-किनार, जहाँ बहन्छ अनन्त तिर्खा
र बहन्छ थकान, अनि अन्नत पीडा ।

अनुवाद: आभास (हिन्दी र अँग्रेजी दुबैको अल्पज्ञानलाई मिसाएर)

कवि- मंगलेश डबराल

एउटी स्त्रीले गर्दा
तिमीलाई प्राप्त भयो एउटा कुनो
तिम्रो पनि भयो प्रतिक्षा

एउटी स्त्रीले गर्दा
तिमीले देख्यौ आकाश
र त्यसमा उड्दै गरेका चराको संसार

एउटी स्त्रीले गर्दा
तिमी पटक-पटक चकित बन्यौ
खेर गएन तिम्रो देह

एउटी स्त्रीले गर्दा
तिम्रो यात्रा बनेन अन्धकारमय
उज्यालो देखियो जताततै

एउटी स्त्रीले गर्दा
एउटी स्त्री बाँची रही तिमीभित्र ।

हिन्दीबाट अनुवाद: आभास

म माटो मुनिको बीउ

भरखरै एउटा कोमल हातबाट रोपिएको छु

खुला आकाश र उज्यालोसित बिछोडिएको छु

सिर्जना गर्न अँध्यारो पनि पिउनु पर्दोरहेछ

म अहिले

धरतीभित्रै

अँध्यारो पिएर बाँचेको छु

यतिबेला

आफ्नो भन्नु-

आफैँभित्रको पीडा छ

मलाई थाहा छ

यही पीडाले

मलाई उमार्न सक्छ

यो पनि थाहा छ

यही पीडाले

मैलाई मार्न सक्छ !

कुकुरको एकनासे भुकाइ
प्वाल पारिरहेछ; मथिङ्गल

किथ्राको किरकिर
झमझमाइरहेछ; रक्सीको नशा झैँ

विजुलीको तारमा बसेर
खुर्पे जून चपाइरहेछ; लाटोकोसेरो

म अँध्यारोले
लथपथ भिजेको छु
मेरा सबै छिमेकी
निथ्रुक्क छन् अँध्यारोले !

चिलाउनेको रूखले घोषणा गर्‍यो
अब सबै रूख चिलाउने बन्नु पर्छ
र फैलाउनु पर्छ आफ्नो अस्तित्व
अर्थात्
हामी सबै चिलाउने बन्नु पर्छ

श्रीखण्डको रूखले इन्कार गर्‍यो
र भन्यो-
कृपया !
म त आफू
काटिएर पनि
ताछिएर पनि
चन्दन बन्नु पर्छ
मान्छेको निधारमा दलिनु पर्छ
शीतलता प्रदान गर्नु पर्छ मैले

म चिलाउने बन्ने छैन
म चिलाउने बन्ने छैन ।

तस्वीर: फ्रीफोटो डट कम

सुमिरण भन्छे-
तिम्रा औंला
सुमसुम्याउदाको अनुभूति
‘च्याट्’ गर्दाको भन्दा
बिलकुल भिन्दै

विपुल भन्छ-
तिम्रा आँखा
निहार्दाको संवेग
‘ईमेल’ लेख्दाको भन्दा
अद्भूत फरक
Read More

  सायद
  उसको नाम यस्तै थियो-
  धर्मजीत
  हो या पराजीत

  अहिले
  स्मृतिबाट हराउदै गएको

  तर
  उ थियो
  हाम्रै वरिपरी फुलेको फूलजस्तै
  होचो
  कलिलो
  र सुगन्धित

उसका सपनासमेत थिए सुगन्धित
भन्ने गर्थ्यो-
‘जीवन स्वप्निल छ
म स्वप्निल खोलामा पौडदै
जीवनलाई सार्थक बनाउन चाहन्छु’
Read More

पृथ्वीले
सुधा दिई
आफ्ना अङ्गहरू सुकाएर
सिञ्चन गरी
र कपास फुल्यो

धागो काती
सुन्दरीले
र तान बुनी
तयार भयो
सेतो, फ्रेम रहीत क्यानभास
Read More