केही महिना पहिलेको कुरा, अनन्य मित्र गोविन्दले नेपालको सुन्दर ठाउँ घुम्ने प्रस्ताव राख्यो । उसो त उ प्राय नेपाल घुम्दैन । हरेक दशैँमा उ भारत चाहर्छ । कि कन्या कुमारी, कि नाथुला, कि गोवा वा कि कोलकाटा । यसपाली अचम्मै भो ! उसले पनि नेपाल घुम्छु भन्यो । मलाई थाहा थियो, या छ भनूँ- उ घुम्न साह्रै रहर गर्छ । तर उसलाई ‘एघार-नम्बरमा’ त्यति विश्वास छैन । त्यसैले उ जहिले पनि ‘लौह पथ-गामिनी’ वा जलनबाट बचेका टायरकै भरका साधनलाई विश्वास गर्छ । ‘वायु-यान’को त कुरै अर्को । हवाई-जहाजको यात्राको उच्चारण लगत्तै, उसको पेट फुल्न सुरु गर्छ ।

Read More